![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
കൊല്ലം: ക്വാറന്‍റീനില്‍ നിന്ന് മുങ്ങിയ ഐ.എ.എസ് ഉദ്യോഗസ്ഥനെ ആലപ്പുഴ സബ് കലക്ടറായി തിരിച്ചെടുത്തു. അനുപം മിശ്രയെയാണ് തിരിച്ചെടുത്തത്. അനുപം മിശ്രയുടെ ഗണ്‍മാനെ ഇതുവരെ തിരിച്ചെടുത്തിട്ടില്ല.
കഴിഞ്ഞ മാര്‍ച്ചില്‍ കൊല്ലം സബ്കലക്ടറായിരുന്ന അനുപം മിശ്ര നാട്ടിലേക്ക് മുങ്ങുകയായിരുന്നു. പേഴ്സനല്‍ ഗണ്‍മാന്റെയും ഡ്രൈവറുടെയും കണ്ണുവെട്ടിച്ചാണ് ഇദ്ദേഹം നാട്ടിലേക്ക് കടന്നത്. ജില്ല കലക്ടറെയും ചീഫ് സെക്രട്ടറിയെയും അറിയിച്ചിരുന്നില്ല. ഇതിനെ തുടര്‍ന്ന് മിശ്രയെ സസ്പെന്‍ഡ് ചെയ്തിരുന്നു.
2016 ബാച്ച്‌ ഐ.എ.എസുകാരനായ അനുപം മിശ്ര വിവാഹത്തിനായി അവധിയെടുത്ത് ഉത്തര്‍പ്രദേശിലെ നാട്ടിലേക്ക് പോയിരുന്നു. 18ന് തിരിച്ചെത്തി ജോലിയില്‍ പ്രവേശിച്ചു. പിന്നീട് കോവിഡ് പശ്ചാത്തലത്തില്‍ ഇദ്ദേഹത്തോട് നിരീക്ഷണത്തില്‍ കഴിയാന്‍ ജില്ല കലക്ടര്‍ നിര്‍ദേശിക്കുകയായിരുന്നു.
