പറവൂര്: പുത്തന്വേലിക്കരയില് വീടുകയറി ആക്രമണം നടത്തിയ സംഭവത്തില് നാല് യുവാക്കള് അറസ്റ്റില്. തുരുത്തൂര് ഉല്ലാസ്നഗര് കൈതത്തറ ആഷിക് (23), അറപ്പാട്ട് ശ്രീഹരി (20), എട്ട്യാതിപറമ്ബില് ഗോകുല് കൃഷ്ണ (19), വെസ്റ്റ് വെമ്പല്ലൂര് എസ്.എന്പുരം തായാട്ടുപറമ്പില് അതുല്കൃഷ്ണ (19) എന്നിവരാണ് അറസ്റ്റിലായത്.
തുരുത്തൂര് ഉല്ലാസ്നഗര് കൈതത്തറ ഔസോ സഞ്ജുവിെന്റ വീട്ടില് തിങ്കളാഴ്ച രാത്രി പത്തരയോടെ മാരകായുധങ്ങളുമായി അതിക്രമിച്ചു കയറിയാണ് ഇവര് ആക്രമണം നടത്തിയത്. വീട്ടമ്മയെ ഉള്പ്പെടെ മൂന്നുപേരെ മര്ദിച്ച് പരിക്കേല്പിച്ചു. വീട്ടുപകരണങ്ങള് നശിപ്പിച്ചു.
മുന്വൈരാഗ്യമാണ് ആക്രമണത്തിന് കാരണമെന്ന് പൊലീസ് പറഞ്ഞു. സംഭവശേഷം ഒളിവില് പോയ ഇവരെ പാലക്കാട് അഗളിയില്നിന്നാണ് അറസ്റ്റ് ചെയ്തത്. നാല് പേരെയും കോടതിയില് ഹാജരാക്കി റിമാന്ഡ് ചെയ്തു.
സംഭവത്തിെന്റ പശ്ചാത്തലത്തിലും പുറത്തുനിന്നുള്ള ലഹരി വിളായാട്ടവും ഗുണ്ട പ്രവര്ത്തനങ്ങളും വര്ധിക്കുന്നതിനെതിരെയും ഉല്ലാസ് നഗര് യുവജന സംഘടന പ്രതിഷേധിച്ചു.