പുതുക്കോട്ട: തമിഴ്നാട്ടില് ദലിത് യുവാവിനെ മര്ദിച്ചശേഷം ദേഹത്ത് മൂത്രം ഒഴിച്ച നാലുപേര് പിടിയില്. പുതുക്കോട്ടയിലാണ് സംഭവം. ജാതിപ്പേര് വിളിച്ച് അധിക്ഷേപിച്ചത് എതിര്ത്തതിനാണ് മര്ദിച്ചതെന്ന് 18കാരന് പൊലീസില് പറഞ്ഞു. തനിക്കൊണ്ടന് ഗ്രാമത്തില് മീന് പിടിക്കുന്നതിനിടെ പ്രതികളിലൊരാളായ പ്രദീപും 18കാരനും തമ്മില് വാക്കേറ്റമുണ്ടാകുകയായിരുന്നു.
തുടര്ന്ന് പ്രദീപ് ജാതിപ്പേരിനൊപ്പം മോശം വാക്കുകള് യുവാവിന് നേരെ ഉപയോഗിച്ചു. ഇത് 18കാരന് എതിര്ത്തു. പിന്നീട്, പ്രദീപും മറ്റു മൂന്നുപേരും കാറിലെത്തി യുവാവിനെ ആളൊഴിഞ്ഞ സ്ഥലത്തെത്തിച്ച് മര്ദിക്കുകയായിരുന്നു. ദേഹത്ത് പ്രതികള് മൂത്രമൊഴിക്കുകയും ചെയ്തു. എസ്.സി/എസ്.ടി നിയമപ്രകാരവും മറ്റു വകുപ്പുകള് ചുമത്തിയുമാണ് കേസെടുത്തത്. പ്രദീപ് ഉള്പ്പെടെ നാലുപേരെ അറസ്റ്റ് ചെയ്തതായി പൊലീസ് പറഞ്ഞു.