IndiaInternationalLatest
കര്ഷകര് രാജ്യത്തിന്റെ അവിഭാജ്യ ഘടകം – കോഹ്ലി
ന്യൂഡൽഹി: കർഷക പ്രക്ഷോഭത്തിൽ പ്രതികരണവുമായി ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്ലി. അഭിപ്രായ വ്യത്യാസങ്ങളുടെ ഈ മണിക്കൂറിൽ എല്ലാവരും ഐക്യത്തോടെ തുടരണമെന്നും കർഷകർ രാജ്യത്തിന്റെ അവിഭാജ്യ ഘടകമാണെന്നും കോഹ്ലി ട്വീറ്റ് ചെയ്തു.
സമാധാനം കൈവരിക്കാനും ഒരുമിച്ച് മുന്നോട്ട് പോകാനുമായി എല്ലാ പാർട്ടികളും ചേർന്ന് സൗഹാർദ്ദപരമായ പരിഹാരം കണ്ടെത്തുമെന്ന് ഉറപ്പുണ്ടെന്നും കോഹ്ലി ട്വീറ്റ് ചെയ്തു.
കർഷക സമരത്തിൽ ആദ്യമായാണ് വിരാട് കോഹ്ലി അഭിപ്രായം പറയുന്നത്. പോപ് ഗായിക റിഹാന, മിയ ഖലീഫ, മീന ഹാരിസ്, ഗ്രെറ്റ് തുൻബെർഗ് എന്നിവർ ഇന്ത്യയിലെ കർഷക സമരത്തെ അനുകൂലിച്ച് രംഗത്തെത്തിയിരുന്നു