KeralaLatestThiruvananthapuram
ഫര്ണസ് ഓയില് പടര്ന്ന സംഭവം അന്വേഷിക്കുമെന്ന് കളക്ടര്
തിരുവനന്തപുരം: തലസ്ഥാനത്തെ കടല്ത്തീരത്തും കടലിലും ടൈറ്റാനിയം കമ്പനിയില് നിന്നുള്ള ഫര്ണസ് ഓയില് ചോര്ന്ന സംഭവം മലിനീകരണ നിയന്ത്രണ ബോര്ഡ് അന്വേഷിക്കുമെന്ന് ജില്ലാ കളക്ടര് നവ്ജ്യോത് ഖോസ. അന്വേഷണ റിപ്പോര്ട്ടിന്റെ അടിസ്ഥാനത്തില് തുടര് നടപടിയുണ്ടാകും.
കടലില് വലിയതോതില് ഓയില് പടര്ന്നില്ലെന്നാണ് ജില്ലാ ഭരണകൂടത്തിന്റെ പ്രാഥമിക പരിശോധനയില് വ്യക്തമായത്. തീരത്ത് ഫര്ണസ് ഓയില് പടര്ന്ന മണല് നീക്കം ചെയ്യുമെന്നും തത്കാലം മീന്പിടിക്കാന് കടലില് പോകരുതെന്നും ജില്ലാ ഭരണകൂടം നിര്ദ്ദേശം നല്കി.