പുത്തന്‍ ഓഫറുകളുമായി ജിയോ

ശ്രീജ.എസ്

റിലയന്‍സിന്റെ ജിയോഫോണ്‍ ഈ വര്‍ഷത്തെ പുത്തന്‍ ഓഫറുകള്‍ പ്രഖ്യാപിച്ചു. ഇന്ത്യയില്‍ ഇപ്പോള്‍ ജിയോഫോണ്‍ ഉപയോഗിക്കുന്ന 100 ദശലക്ഷത്തിലധികം ഉപഭോക്താക്കളെയാണ് പുതിയ പദ്ധതി ലക്ഷ്യമിടുന്നതെന്ന് കമ്പനി അറിയിച്ചു. പുതിയ ജിയോഫോണ്‍ 2021 ഓഫറിന് കീഴില്‍, ഉപയോക്താക്കള്‍ക്ക് 24 മാസത്തെ പരിധിയില്ലാത്ത സേവനത്തോടൊപ്പം പുതിയ ജിയോഫോണും ലഭിക്കും, അതില്‍ പരിധിയില്ലാത്ത കോളുകളും പ്രതിമാസം 2 ജിബി ഡാറ്റയും ലഭിക്കും. അതും 1,999 രൂപയ്ക്ക്. പുതിയ 2021 ഓഫറിന് കീഴില്‍ മറ്റൊരു ഓഫര്‍ കൂടിയുണ്ട്. ഇത് 12 മാസത്തെ പരിധിയില്ലാത്ത സേവനങ്ങളും പരിധിയില്ലാത്ത വോയ്സ് കോളുകളും പ്രതിമാസം 2 ജിബി ഡാറ്റയും 1,499 രൂപയ്ക്ക് ലഭിക്കും.

നിലവിലുള്ള ജിയോഫോണ്‍ ഉപഭോക്താക്കള്‍ക്കായി റിലയന്‍സ് ജിയോ ഓഫറും പ്രഖ്യാപിച്ചു. 749 രൂപ റീചാര്‍ജ് 12 മാസത്തേക്ക് പരിധിയില്ലാത്ത കോളുകളും പ്രതിമാസം 2 ജിബി ഡാറ്റയും വാഗ്ദാനം ചെയ്യും. ഇതേ ആനുകൂല്യത്തിനായി കമ്പനി മറ്റ് നെറ്റ്വര്‍കുകളില്‍ 2.5 മടങ്ങ് കൂടുതല്‍ നല്‍കുമെന്ന് കമ്പനി പറയുന്നു. 300 ദശലക്ഷം മൊബൈല്‍ വരിക്കാര്‍ ഇപ്പോഴും 2 ജിയിലാണെന്നും റിലയന്‍സ് ജിയോ വെള്ളിയാഴ്ച പ്രസ്താവനയില്‍ പറഞ്ഞു, ഇതുപോലുള്ള ശ്രമങ്ങള്‍ ‘2 ജി മുക്ത് ഭാരതത്തിലേക്ക്’ കാര്യങ്ങളെ എത്തിക്കും.