ശ്രീജ.എസ്
ന്യൂഡല്ഹി: ഫിഫ ലോകകപ്പ് ഫുഡ്ബോളിലെ യോഗ്യതാ റൗണ്ടിലെ ഇന്ത്യയുടെ ബാക്കിയുള്ള മത്സരങ്ങള് ഖത്തറില് നടക്കും. ഗ്രൂപ്പ് ‘ഇ’യില് ഖത്തര്, ബംഗ്ലാദേശ്, അഫ്ഗാനിസ്താന് എന്നിവര്ക്കെതിരെയാണ് ഇന്ത്യയുടെ അവശേഷിക്കുന്ന മത്സരങ്ങളുള്ളത്.കോവിഡ് പശ്ചാത്തലത്തില് വിവിധ വേദികളില് കളിക്കുന്നത് പ്രായോഗികമല്ലാത്തതിനാല് മത്സരങ്ങളെല്ലാം ജൂണില് ഒറ്റ വേദിയില് നടത്തും.
2022 ലോകകപ്പ്, 2023 ഏഷ്യാകപ്പ് മത്സരങ്ങള്ക്കുള്ള യോഗ്യതാ റൗണ്ടാണിത്. നിലവില് ഗ്രൂപ്പില് മൂന്ന് പോയന്റുമായി നാലാം സ്ഥാനത്താണ് ഇന്ത്യ. ഖത്തറും (16), ഒമാനുമാണ് (12) ഒന്നും രണ്ടും സ്ഥാനത്ത്. 2019 നവംബറിലാണ് യോഗ്യതാ റൗണ്ടില് അവസാനമായി മത്സരങ്ങള് നടന്നത്.