![“Manju”](https://santhigirinews.org/wp-content/uploads/2020/04/YOUTUBE.jpg")
പാലക്കാട്: സംസ്ഥാനത്ത് കൊവിഡ് രണ്ടാംതരംഗം ശക്തമായ പശ്ചാത്തലത്തില്‍ ജില്ലയിലും പരിശോധന ശക്തമാക്കി പൊലീസ്. എല്ലാവരും മാസ്‌ക് ധരിക്കുന്നുവെന്ന് ഉറപ്പുവരുത്തുന്നത് ഉള്‍പ്പെടെയുള്ള പരിശോധനകളാണ് നടക്കുന്നത്. മറ്റ് സംസ്ഥാനങ്ങളില്‍ നിന്ന് എത്തുന്നവര്‍ക്ക് ഒരാഴ്ച ക്വാറന്റീന്‍ നിര്‍ബന്ധമാക്കും. കൂടാതെ പൊതുസ്ഥലങ്ങളിലെ നിയന്ത്രണം വിലയിരുത്തി പാലിക്കാത്തവരില്‍ നിന്ന് പിഴ ഈടാക്കും.
അതിര്‍ത്തിയില്‍ തമിഴ്നാട് പൊലീസ്, ആരോഗ്യവകുപ്പ് അധികൃതര്‍ എന്നിവരുടെ വാഹന പരിശോധന ശക്തമാണ്. ഇരുചക്ര വാഹനങ്ങള്‍ ഉള്‍പ്പെടെ പൊലീസ് തടഞ്ഞ് ഇ-പാസ് പരിശോധിക്കുന്നുണ്ട്. പാസില്ലാത്തവര്‍ അതിര്‍ത്തിയില്‍ നിന്ന് പാസെടുത്താണ് തമിഴ്നാട്ടിലേക്ക് കടക്കുന്നത്. നിലവിലെ സാഹചര്യത്തില്‍ കൊവിഡ് പരിശോധനകളുടെയും വാക്സിനേഷന്റെയും എണ്ണം കൂട്ടുമെന്ന് ആരോഗ്യവകുപ്പ് അറിയിച്ചു.
