ആശങ്ക ഉയര്‍ത്തി ഡെങ്കിപ്പനിയും

കോഴിക്കോട്: കോഴിക്കോട് ജില്ലയില്‍ ആശങ്ക ഉയര്‍ത്തി ഡെങ്കിപ്പനിയും. കഴിഞ്ഞ രണ്ടു ആഴ്ച്ചയ്ക്ക് ഇടയില്‍ 18 പേര്‍ക്ക് രോഗം സ്ഥിരീകരിച്ചു. ഈ സാഹചര്യത്തില്‍ കോവിഡിന് ഒപ്പം ഡെങ്കിപ്പനിയും കൂടി നിയന്ത്രണത്തിലാക്കാനായിരിക്കും ആരോഗ്യവകുപ്പിന്റെ ശ്രമം. മണിയൂര്‍ പഞ്ചായത്തിലാണ് ഡെങ്കിപ്പനി ഏറ്റവും കൂടുതല്‍ റിപ്പോര്‍ട്ട് ചെയ്തത്. 11 പേര്‍ക്ക് ഇവിടെ രോഗം ബാധിച്ചു. കോവിഡ് ടെസ്റ്റ് പോസിറ്റിവിറ്റി നിരക്ക് 30 ശതമാനത്തിന് മുകളിലുള്ള സ്ഥലമാണിത്.