![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ന്യൂഡല്‍ഹി: റിപബ്ലിക് ദിനത്തില്‍ കര്‍ഷകര്‍ നടത്തിയ ട്രാക്ടര്‍ റാലിക്കിടെയുള്ള സംഘര്‍ഷങ്ങളില്‍ അന്വേഷണമാവശ്യപ്പെട്ട് സമര്‍പ്പിച്ച ഹരജികളില്‍ ഇടപെടാതെ സുപ്രീംകോടതി. ചീഫ് ജസ്റ്റിസ് എസ്.എ ബോബ്ഡേ അധ്യക്ഷനായ മൂന്നംഗ ബെഞ്ചാണ് ഇതുമായി ബന്ധപ്പെട്ട ഹരജികള്‍ പരിഗണിച്ചത്. എ.എസ് ബോപ്പണ്ണ, വി. രാമസുബ്രമണ്യം എന്നിവരും ബെഞ്ചില്‍ അംഗങ്ങളാണ്.
“സംഘര്‍ഷങ്ങളില്‍ സര്‍ക്കാര്‍ അന്വേഷണം നടത്തുമെന്ന് ഉറപ്പുണ്ട്. നിയമം നിയമത്തിന്റെ വഴിക്ക് നീങ്ങുമെന്ന പ്രധാനമന്ത്രിയുടെ പ്രസ്താവന പുറത്ത് വന്നിട്ടുണ്ട്. ഈയൊരു സാഹചര്യത്തില്‍ കേസില്‍ ഇടപെടാന്‍ ആഗ്രഹിക്കുന്നില്ലെന്ന് ചീഫ് ജസ്റ്റിസ് ബോബ്ഡേ വ്യക്തമാക്കി . ഇക്കാര്യത്തില്‍ സര്‍ക്കാറിനെ സമീപിക്കാനും ഹരജിക്കാരോട് അദ്ദേഹം ആവശ്യപ്പെട്ടു.
അഭിഭാഷകനായ വിശാല്‍ തിവാരിയാണ് ഹരജി നല്‍കിയത്. റിപബ്ലിക് ദിനത്തിലെ കര്‍ഷക സമരത്തിനിടെയുണ്ടായ വ്യാപക സംഘര്‍ഷത്തെ കുറിച്ച്‌ അന്വേഷിക്കാന്‍ മൂന്നംഗ കമീഷനെ നിയോഗിക്കണമെന്നായിരുന്നു ആവശ്യം.
