തിരുവനന്തപുരം: സംസ്ഥാനത്ത് ഇന്ന് 32,680 പേര്ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 1,22,628 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 26.65 ശതമാനമാണ്.
രോഗവ്യാപനം രൂക്ഷമായതോടെ മരണവും കുതിക്കുകയാണ്. എട്ട് ദിവസത്തിനിടെ അറുനൂറോളം പേരാണ് മരിച്ചത്. കഴിഞ്ഞ ശനിയാഴ്ച മുതല് ഇന്ന് വരെ 593 പേര് കോവിഡ് ബാധിച്ച് മരിച്ചു. ഇന്ന് 96 മരണങ്ങളാണ് കോവിഡ് മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 6339 ആയി. 29,969 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 2316 പേരുടെ സമ്പര്ക്ക ഉറവിടം വ്യക്തമല്ല. ഇന്ന് രോഗം സ്ഥിരീകരിച്ചവരില് 296 പേര് സംസ്ഥാനത്തിന് പുറത്ത് നിന്നും വന്നവരാണ്.
നിലവില് 4,45,334 പേരാണ് രോഗം സ്ഥിരീകരിച്ച് ചികിത്സയിലുള്ളത്. 29,442 പേര് രോഗമുക്തരായി. 16,66,232 പേര് ഇതുവരെ കോവിഡില് നിന്നും മുക്തി നേടി. 99 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കണ്ണൂര് 30, കാസര്ഗോഡ് 13, തൃശൂര്, പാലക്കാട്, വയനാട് 9 വീതം, എറണാകുളം 8, തിരുവനന്തപുരം, കൊല്ലം, കോഴിക്കോട് 5 വീതം, പത്തനംതിട്ട, കോട്ടയം, ഇടുക്കി 2 വീതം ആരോഗ്യ പ്രവര്ത്തകര്ക്കാണ് രോഗം ബാധിച്ചത്.