കല്പറ്റ: കോവിഡ് പ്രതിരോധത്തിനുള്ള സാനിറ്റൈസര്, മാസ്ക്, പള്സ് ഓക്സിമീറ്റര്, പി.പി.ഇ കിറ്റ് തുടങ്ങിയ ഉല്പന്നങ്ങള്ക്ക് സര്ക്കാര് നിശ്ചയിച്ചതിലും കൂടിയ വില ഈടാക്കുന്ന സ്ഥാപനങ്ങള്ക്കെതിരെ കര്ശന നിയമനടപടി സ്വീകരിക്കുമെന്ന് ജില്ല പൊലീസ് മേധാവി ഡോ. അരവിന്ദ് സുകുമാര് അറിയിച്ചു.
മെഡിക്കല് സ്റ്റോറുകള് അടക്കമുള്ള സ്ഥാപനങ്ങളില് മിന്നല് പരിശോധന നടത്താനും അമിത വില ഈടാക്കുന്ന സ്ഥാപനങ്ങള് കണ്ടെത്താനും എസ്.ഡി.പി.ഒമാര്ക്കും എസ്.എച്ച്.ഒമാര്ക്കും നിര്ദേശം നല്കി.കൂടാതെ, നിരീക്ഷണത്തിനായി ജില്ല സ്പെഷല് ബ്രാഞ്ച് ഉദ്യോഗസ്ഥരെയും ചുമതലപ്പെടുത്തി.
സര്ക്കാര് നിശ്ചയിച്ച വില
പി.പി.ഇ കിറ്റ് -273 രൂപ
എന് 95 മാസ്ക് -22
ട്രിപ്പിള് ലെയര് മാസ്ക് -3.90
ഫെയ്സ് ഷീല്ഡ് -21
ഡിസ്പോസിബിള് ഏപ്രണ് -12
സര്ജിക്കല് ഗൗണ് -65
എക്സാമിനേഷന് ഗ്ലൗസ് -5.75
ഹാന്ഡ് സാനിറ്റൈസര് (500 എം.എല്) -192
ഹാന്ഡ് സാനിറ്റൈസര് (200 എം.എല്) -98
ഹാന്ഡ് സാനിറ്റൈസര് (100 എം.എല്) -55
സ്റ്റെറൈല് ഗ്ലൗസ് (ഒരു ജോഡി) -12
എന്.ആര്.ബി മാസ്ക് -80
ഹ്യുമിഡിഫയര് ഉള്ള ഫ്ലോമീറ്റര് -1520
ഫിംഗര് ടിപ്പ് പള്സ് ഓക്സിമീറ്റര് -1500