![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം : കെഎസ്‌ആര്‍ടിസി പെന്‍ഷന്‍ വിതരണം ഓണ്‍ലൈനാക്കുമെന്ന് മന്ത്രി ആന്റണി രാജു. വിരമിച്ചവര്‍ക്ക് ഇടക്കാല ആശ്വാസമായി 500 രൂപ നല്‍കുമെന്നും അദ്ദേഹം പറഞ്ഞു. പെന്‍ഷന്‍ വിതരണം അടുത്തുള്ള ബാങ്കുകളിലേക്കു മാറ്റാനുള്ള സംവിധാനവും ഉടന്‍ ഒരുക്കും. മോട്ടര്‍ വാഹന വകുപ്പുമായി ബന്ധപ്പെട്ട പ്രവര്‍ത്തനങ്ങളില്‍ ഓണ്‍ലൈന്‍ സംവിധാനം വ്യാപകമാക്കുമെന്നും മന്ത്രി വ്യക്തമാക്കി.
സഹകരണ ബാങ്കുകള്‍ വഴിയാണ് കെഎസ്‌ആര്‍ടിസി പെന്‍ഷന്‍ വിതരണം നടത്തുന്നത്. എന്നാല്‍ സഹകരണ ബാങ്കുകള്‍ക്ക് ഓണ്‍ലൈന്‍ ബാങ്കിങ് സേവനങ്ങളോ എടിഎം കാര്‍ഡ് സൗകര്യമോ ഇല്ല. ഈ സാഹചര്യത്തിലാണ് പെന്‍ഷന്‍ വിതരണം അടുത്തുള്ള ബാങ്കുകളിലേക്കു മാറ്റാന്‍ ഒരുങ്ങുന്നത്.
അതേസമയം, ജൂണ്‍ 30 മുതല്‍ ശമ്പള പരിഷ്കരണം നടപ്പിലാക്കുമെന്നു മുഖ്യമന്ത്രി പ്രഖ്യാപിച്ചിരുന്നു. ഡ്യൂട്ടിക്കിടെ അപകടത്തില്‍ മരിക്കുന്നവരുടെ ആശ്രിതര്‍ക്ക് മുഖ്യപരിഗണന നല്‍കി നിയമനം നടത്തുമെന്നും മന്ത്രി പറഞ്ഞു.
