![“Manju”](https://santhigirinews.org/wp-content/uploads/2020/04/YOUTUBE.jpg")
കശ്മീര്‍: കശ്മീരില്‍ ഭീകരവാദികള്‍ 1990ല്‍ നടത്തിയ വംശഹത്യയില്‍ കൊലചെയ്യപ്പെട്ട സതീഷ് ടിക്കുവിന്റെ കുടുംബം വിഘടനവാദി ബിട്ട കരാട്ടെയെന്ന ഫാറൂഖ് അഹമ്മദ് ദാറിനെതിരെ ശ്രീനഗര്‍ കോടതിയില്‍ കേസ് ഫയല്‍ചെയ്തു.
1990 കളില്‍ കശ്മീരി പണ്ഡിറ്റുകളെ കൊലപ്പെടുത്തിയതുമായി ബന്ധപ്പെട്ട കേസുകള്‍ പുനരാരംഭിക്കണമെന്ന വര്‍ദ്ധിച്ചുവരുന്ന ആവശ്യത്തിനിടയിലാണ് കരാട്ടെയ്‌ക്കെതിരെ ക്രിമിനല്‍ കേസ് ഫയല്‍ ചെയ്യുന്നത്. ടിക്കൂവിന്റെ കുടുംബത്തിന് വേണ്ടി ഉത്സവ് ബെയിന്‍സ് എന്ന അഭിഭാഷകനാണ് ക്രിമിനല്‍ അപേക്ഷ സമര്‍പ്പിച്ചത്.
ഇന്നാണ് ആദ്യ വാദം കേട്ടത്. വാദം കേട്ട കോടതി കഴിഞ്ഞ 31 വര്‍ഷമായി എന്താണ് ചെയ്തതെന്ന് ജമ്മു കശ്മീര്‍ സര്‍ക്കാരിനെ ശാസിച്ചു. ഈ വാദം പ്രതീക്ഷയുടെ കിരണമാണ്. അടുത്ത വാദം ഏപ്രില്‍ 16 നാണെന്നും കരാട്ടെയ്‌ക്കെതിരെ കുറ്റപത്രം സമര്‍പ്പിക്കാത്തത് എന്തുകൊണ്ടാണെന്ന് ജമ്മു കശ്മീര്‍ ഭരണകൂടത്തോട് കോടതി ചോദിച്ചിട്ടുണ്ടെന്നും ബെയിന്‍സ് പറഞ്ഞു.
സതീഷ് കുമാര്‍ ടിക്കുവിന്റെ കുടുംബം കോടതിയെ സമീപിക്കുന്നതിന് ഒരാഴ്ച മുമ്പ്, ജമ്മു കശ്മീര്‍ ഡയറക്ടര്‍ ജനറല്‍ ഓഫ് പോലീസ് (ഡിജിപി) ദില്‍ബാഗ് സിംഗ് തീവ്രവാദത്തിനും ഭീകരര്‍ക്കുമെതിരായ എല്ലാ കേസുകളും പുനപരിശോധിക്കുമെന്നും പറഞ്ഞിരുന്നു.
