InternationalLatest
ചാരിറ്റബിള് സൊസൈറ്റിക്ക് ഉജ്വല തുടക്കം
കൊല്ലം: ആഫ്രിക്കന് മലയാളികളുടെ കൂട്ടായ്മയായ സ്വരം (സോഷ്യല് വെല്ഫെയര് ഓര്ഗനൈസേഷന് ഫോര് ആഫ്രിക്കന് മലയാളീസ്) ചാരിറ്റബിള് സൊസൈറ്റിക്ക് ഉജ്വല തുടക്കം.മേവറം ഗ്രാന്ഡ് ഓഡിറ്റോറിയത്തില് നടന്ന പൊതുസമ്മേളനത്തില് എന്.കെ. പ്രേമചന്ദ്രന് എംപി ഭദ്രദീപം തെളിയിച്ചു ഉദ്ഘാടനം ചെയ്തു. ജോസ് മണ്ണടിക്കു അംഗത്വം നല്കികൊണ്ട് അംഗത്വ വിതരണത്തിനും തുടക്കം കുറിച്ചു.കൂട്ടായ്മ നടത്തിക്കൊണ്ടിരിക്കുന്ന ജീവകാരുണ്യ പ്രവര്ത്തനങ്ങളുടെ ഭാഗമായി അടുത്തിടെ താന്സാനിയയില് വച്ച് മരിച്ച ഉമയനല്ലൂര് സ്വദേശി ഷിജുവിന്റെ കുടുംബത്തിന് 20 ലക്ഷം രൂപയുടെ സഹായധനം ഇരവിപുരം എംഎല്എ എം. നൗഷാദ് കൈമാറി.