തിരുവനന്തപുരം: അനില് നെടുമങ്ങാടിന്റെ വിയോഗത്തില് അനുശോചനം അറിയിച്ച് മുഖ്യമന്ത്രി പിണറായി വിജയന്. അനില് നെടുമങ്ങാടിന്റെ ആകസ്മിക വേര്പാടില് അതീവ ദുഃഖവും വേദനയും രേഖപ്പെടുത്തുന്നതായി അദ്ദേഹം പറഞ്ഞു.
ശ്രദ്ധേയമായ വേഷങ്ങളില് കൂടി സിനിമ ലോകത്ത് വ്യക്തിമുദ്ര പതിപ്പിച്ച പ്രതിഭയായിരുന്നു അദ്ദേഹം. അഭിനയ മികവിലൂടെ പ്രേക്ഷകരെ ആഴത്തില് സ്പര്ശിച്ച കഥാപാത്രങ്ങള്ക്ക് ജീവന് കൊടുക്കുവാന് ചെറിയ കാലം കൊണ്ട് തന്നെ അദ്ദേഹത്തിന് സാധിച്ചു. അനിലിന്റെ അപ്രതീക്ഷിത വിയോഗം മലയാള ചലച്ചിത്ര ലോകത്തിന് തീരാനഷ്ടമാണെന്ന് മുഖ്യമന്ത്രി ഫേസ്ബുക്കില് കുറിച്ചു.
അദ്ദേഹം കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില് പങ്കുചേരുന്നതായി മുഖ്യമന്ത്രി പറഞ്ഞു.