ഫൈനല് ലക്ഷ്യമിട്ട് അര്ജന്റീന
റിയോ ഡെ ജനീറോ: ബ്രസീല് നേരത്തേ ഇരിപ്പുറപ്പിച്ച കോപ അമേരിക്ക ഫൈനല് ലക്ഷ്യമിട്ട് ലയണല് മെസ്സിയും സംഘവും ഇറങ്ങുന്നു. രണ്ടാം സെമി പോരാട്ടത്തില് അര്ജന്റീനക്ക് കൊളംബിയയാണ് എതിരാളികള്. ഇന്ത്യന് സമയം ബുധനാഴ്ച രാവിലെയാണ് മത്സരം. അര്ജന്റീന വിജയിക്കുകയാണെങ്കില് കാല്പന്ത് പ്രേമികള് കാത്തിരിക്കുന്ന സ്വപ്ന ഫൈനലിന് കളമൊരുങ്ങും. 2007 കോപ്പയിലാണ് ബ്രസീലും അര്ജന്റീനയും അവസാനമായി ഫൈനലില് ഏറ്റുമുട്ടിയത്. അന്ന് എതിരില്ലാത്ത മൂന്നുഗോളുകള്ക്ക് ബ്രസീല് വിജയിച്ചിരുന്നു.
1993ല് കോപയില് ഡീഗോ സിമിയോണിയും ഗബ്രിയേല് ബാറ്റിസ്റ്റ്യൂട്ടയും അടങ്ങുന്ന ടീം മുത്തമിട്ടതിനുശേഷം അര്ജന്റീന ഇതുവരെ ഫുട്ബാളിലെ മേജര് ട്രോഫിയൊന്നും നാട്ടിലെത്തിച്ചിട്ടില്ല. ദീര്ഘമായ ആ ഇടവേള അവസാനിപ്പിക്കാന് ലക്ഷ്യമിട്ടാണ് സൂപ്പര് താരം ലയണല് മെസ്സിയും സംഘവും ഇറങ്ങുന്നത്.