തൃശ്ശൂര്: മില്മ ചെയര്മാന് പി.എ ബാലന് മാസ്റ്റര് അന്തരിച്ചു. 74 വയസ് ആയിരുന്നു. മസ്തിഷ്കത്തിലുണ്ടായ രക്തസ്രാവത്തെ തുടര്ന്ന് ഏറെ നാളായി ചികത്സയിലായിരുന്നു. സംസ്കാരം വൈകീട്ട് അവിണിശ്ശേരിയിലെ വീട്ടുവളപ്പില് നടക്കും.
32 വര്ഷമായി മില്മ ഡറയക്ടര് ബോര്ഡിലുള്ള ബാലന് മാസ്റ്റര് 2019 ജനുവരിയിലാണ് ചെയര്മാനായത്. അതിന് മുമ്പ് ആറ് വര്ഷം എറണാകുളം മേഖല ചെയര്മാനായിരുന്നു.കര്ഷക കോണ്ഗ്രസ് സംസ്ഥാന വൈസ് പ്രസിഡന്റ്, മില്ക്ക് സൊസൈറ്റീസ് അസോസിയേഷന് പ്രസിഡന്റ്, സംസ്ഥാന സഹകരണ യൂണിയന് അംഗം എന്നീ പദവികള് വഹിച്ച ബാലന് മാസ്റ്റര്ക്ക് മികച്ച സംരംഭകനുള്ള ഇന്ത്യന് ഇക്കണോമിക് റിസര്ച്ച് അസോസിയേഷന് അവാര്ഡും മികച്ച സഹകാരിക്കുള്ള അവാര്ഡും ലഭിച്ചിട്ടുണ്ട്. അഖില കേരള എഴുത്തച്ഛന് സമാജം സംസ്ഥാന വൈസ് പ്രസിഡന്റാണ്.
റിട്ടയേര്ഡ് കെഎസ്എഫ്ഇ ഉദ്യോഗസ്ഥയായ വാസന്തി ദേവി ആണ് ഭാര്യ. തിരുവനന്തപുരം ടെക്നോപാര്ക്ക് മുന് ഡയറക്ടര് ബോര്ഡ് അംഗവും, ഐടി വ്യവസായിയുമായ രഞ്ജിത്ത് ബാലന്, രശ്മി ഷാജി എന്നിവര് മക്കളാണ്. മരുമക്കള് – ഷാജി ബാലകൃഷ്ണന്(ദുബായ്), മഞ്ജു രഞ്ജിത്ത്.