ഹജ്ജ് സംഘം നാട്ടിലേക്ക് തിരിച്ചു
മക്ക: കേരള ഹജ്ജ് കമ്മിറ്റിക്കു കീഴില് എത്തിയ അവസാന ഹജ്ജ് സംഘം നാട്ടിലേക്കു തിരിച്ചു.കേരളത്തില്നിന്നുള്ള തീര്ഥാടകരെല്ലാം മദീന വിമാനത്താവളത്തിലിറങ്ങിയാണ് ഹജ്ജിനെത്തിയത്. അതുകൊണ്ട് ഹജ്ജിനു മുമ്പുതന്നെ ഇവരെല്ലാം മദീന സന്ദര്ശനം പൂര്ത്തിയാക്കിയിരുന്നു. മദീനയിലൂടെ വന്നവരെല്ലാം ജിദ്ദ വിമാനത്താവളം വഴിയാണ് നാട്ടിലേക്കു മടങ്ങുന്നത്. ജൂലൈ 15നാണ് ആദ്യ സംഘം ജിദ്ദയില്നിന്ന് കേരളത്തിലേക്കു മടങ്ങിയത്. ഇതുവരെ 21 വിമാനങ്ങളിലായാണ് മുഴുവന് ഹാജിമാരെയും നാട്ടില് തിരിച്ചെത്തിച്ചത്. തമിഴ്നാട്ടിലെ ചില ഭാഗങ്ങളില്നിന്നുള്ളവരും ലക്ഷദ്വീപില്നിന്നുള്ളവരും കേരളം വഴിയാണ് വന്നത്. മടങ്ങിയതും കേരളത്തിലേക്കുതന്നെയാണ്. അവസാനം മടങ്ങിയ 304 പേരുടെ സംഘത്തിലും തമിഴ്നാട്ടില്നിന്നുള്ള 90 ഹാജിമാരുണ്ട്.