![“Manju”](https://santhigirinews.org/wp-content/uploads/2020/04/YOUTUBE.jpg")
മുന്‍ ഇന്ത്യന്‍ നായകന്‍ മഹേന്ദ്ര സിങ് ധോണിയും തമിഴ് സൂപ്പര്‍താരം വിജയ്യും തമ്മിലുള്ള കൂടിക്കാഴ്ച്ചയാണ് ഇപ്പോള്‍ സോഷ്യല്‍ മീഡിയയില്‍ വൈറല്‍. വിജയ് നായകനാകുന്ന ‘ബീസ്റ്റ്’ എന്ന ചിത്രത്തിന്‍റെ ലൊക്കേഷനിലാണ് തലയും ദളപതിയും പരസ്പരം കണ്ട് പരിചയം പുതുക്കിയത്. ചെന്നൈ ഗോകുലം സ്റ്റുഡിയോസിലായിരുന്നു കൂടിക്കാഴ്ച്ച. അവിടെ ഒരു പരസ്യത്തിെന്‍റ ചിത്രീകരണത്തിനായി എത്തിയതായിരുന്നു ധോണി. ഇന്ത്യന്‍ പ്രീമിയര്‍ ലീഗിന്‍റെ ഉദ്ഘാടന എഡിഷനില്‍ ചെന്നൈ സൂപ്പര്‍ കിങ്സിെന്‍റ ബ്രാന്‍ഡ് അംബാസഡറായിരുന്നു വിജയ്. അന്ന് മുതലേ, ഇരുവരും പരിചയക്കാരാണ്. എന്തായാലും തല-ദളപതി കൂടിക്കാഴ്ച്ച ഇരുവരുടേയും ആരാധകര്‍ സമൂഹ മാധ്യമങ്ങളില്‍ ആഘോഷിക്കുകയാണ്.
