അക്രമികള് കനത്ത വില നല്കേണ്ടി വരുമെന്ന് ബൈഡന്
അഫ്ഗാനിസ്താനിലെ കാബൂള് വിമാനത്താവളത്തിനു പുറത്തുണ്ടായ ഇരട്ടസ്ഫോടനത്തില് കടുത്ത പ്രതികരണമവുമായി യു.എസ് പ്രസിഡന്റ് ജോ ബൈഡന്. ആക്രമണത്തിന് ഉത്തരവാദികളായവരോട് പകരം വീട്ടുമെന്നും അഫ്ഗാനില്നിന്നുള്ള ഒഴിപ്പിക്കല് തുടരുമെന്നും അദ്ദേഹം പറഞ്ഞു.
“ഞങ്ങള് ക്ഷമിക്കില്ല. ഞങ്ങള് മറക്കില്ല. ഞങ്ങള് നിങ്ങളെ വേട്ടയാടുകയും കനത്ത വില നല്കേണ്ടി വരുകയും ചെയ്യും- ബൈഡന് പറഞ്ഞു.
രാജ്യം വിടാനായി കാബൂള് വിമാനത്താവളത്തിന്റെ ഗേറ്റിന് പുറത്ത് തടിച്ചുകൂടിയ ജനക്കൂട്ടത്തിനിടയില് ഇരട്ട ചാവേര് സ്ഫോടനമാണ് ഉണ്ടായത്. 140 ലേറെ പേര്ക്ക് പരിക്കേറ്റു.
അമേരിക്കയുടെ 15 ഓളം സേനാംഗങ്ങള്ക്കു പരിക്കേറ്റിട്ടുമുണ്ട്. ഭീകരാക്രമണത്തിന് സാധ്യതയുണ്ടെന്നും ആളുകള് വിമാനത്താവളത്തില്നിന്ന് ഒഴിഞ്ഞുപോകണമെന്നും ബ്രിട്ടന്റെയും യു.എസിന്റെയും മുന്നറിയിപ്പു് വന്ന് മണിക്കൂറുകള്ക്കകമായിരുന്നു ആക്രമണം. സ്ഫോടനത്തിനുപിന്നില് ഐ.എസ് ആണെന്ന് താലിബാന് വൃത്തങ്ങള് അറിയിച്ചു.