![“Manju”](https://santhigirinews.org/wp-content/uploads/2020/04/YOUTUBE.jpg")
മങ്കട: ഡോക്ടര്‍ എസ് രാധാകൃഷ്ണന്റെ ജന്മദിനമായ സെപ്റ്റംബര്‍ 5 അധ്യാപക ദിനമായി ആചരിക്കുമ്പോള്‍ കുറുവ എ.യു.പി സ്കൂളിലെ ഷഫീഖ് തുളുവത്ത് എന്ന അധ്യാപകന്റെ കഥ ശ്രദ്ധേയമാകുന്നു. ഉറക്കമൊഴിച്ച്‌ സമൂസ നിര്‍മാണത്തിലാണ് ഈ അധ്യാപകന്‍.
ഓണ്‍ലൈന്‍ പഠനത്തിന് സ്മാര്‍ട്ട് ഫോണ്‍ ഇല്ലാത്ത വിദ്യാര്‍ഥികള്‍ക്ക് പണം കണ്ടെത്താനായി ഉറക്കമില്ലാതെ പരിശ്രമിക്കുകയാണ് ഇദ്ദേഹം.
രാത്രി 11.30 മുതല്‍ രാവിലെ ഏഴ് വരെ ഉറക്കമൊഴിച്ച്‌ സമൂസ കമ്പനിയില്‍ ജോലി ചെയ്ത് ദിവസേന കിട്ടുന്ന 700 രൂപ ശേഖരിച്ച്‌ നിര്‍ധന വിദ്യാര്‍ഥികളെ കണ്ടെത്തി സഹായിക്കുകയാണ് ഈ യുവ അധ്യാപകന്‍. പഠനകാലത്ത് താന്‍ അനുഭവിച്ച ദാരിദ്ര്യത്തിന്റെ ഓര്‍മകളാണ് ഈ അധ്യാപകന്റെ പരിശ്രമങ്ങള്‍ക്ക് പിന്നില്‍.
