തിങ്കളാഴ്ച്ച ട്രേഡ് യൂണിയന് സമരസമിതിയുടെ ഹര്ത്താല്
തിരുവനന്തപുരം: സംസ്ഥാനത്ത് തിങ്കളാഴ്ച്ച ട്രേഡ് യൂണിയന് സമരസമിതിയുടെ ഹര്ത്താല്. രാവിലെ ആറു മുതല് വൈകുന്നേരം ആറുവരെ ആശുപത്രി, പാല്, പത്രം, മെഡിക്കല് സ്റ്റോറുകള്, വിമാനത്താവളങ്ങളിലേക്കുള്ള യാത്ര എന്നിവയെ ഒഴിവാക്കിയാണ് ഹര്ത്താല് ആചരിക്കുന്നത്.
ഈ ഹര്ത്താലിനെ ബിഎംഎസ് ഒഴികെ മറ്റെല്ലാ സര്വീസ് സംഘടനകളും ട്രേഡ് യൂണിയനുകളും പിന്തുണയ്ക്കുന്നുണ്ട്. ഇതേതുടര്ന്ന് എംജി, കേരള, കാലിക്കട്ട്, കണ്ണൂര് യൂണിവേഴ്സിറ്റികളില് നാളെ നടത്തുവാന് നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചു.