![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: അതിര്‍ത്തി കടന്ന് 100-ലേറെ ചൈനീസ് പട്ടാളക്കാര്‍ ഇന്ത്യയിലെത്തിയതായി റിപ്പോര്‍ട്ട്. കുതിരപ്പുറത്തേറിയാണ് ചൈനീസ് പട്ടാളം വന്നത്. 55 കുതിരകളുണ്ടായിരുന്നു. ചൈനയുടെ പീപ്പിള്‍സ് ലിബറേഷന്‍ ആര്‍മി തുന്‍ജുന്‍ ല പാസ് വഴി അഞ്ചു കിലോമീറ്റര്‍ ദൂരം അകത്തേക്ക് കടന്നതായാണ് റിപ്പോര്‍ട്ട്. ബരഹോട്ടി മേഖലയിലെ പാലമുള്‍പ്പെടെയുള്ള ഇന്ത്യയുടെ നിര്‍മിതകള്‍ ഇവര്‍ കേടുവരുത്തി. സംഘം പിന്നീട് മടങ്ങി.
ചൈനീസ് സൈന്യം എത്തിയതായി പ്രദേശവാസികളാണ് റിപ്പോര്‍ട്ട് ചെയ്തത്. തുടര്‍ന്ന് അന്വേഷിക്കാനായി ഇന്ത്യന്‍ സേനയുടെയും ഇന്‍ഡോ-ടിബറ്റര്‍ അതിര്‍ത്തി പൊലീസിന്റെയും സംഘത്തെ അങ്ങോട്ട് അയച്ചിട്ടുണ്ട്.
