![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: ജവഹര്‍ നവോദയ വിദ്യാലയങ്ങളില്‍ 2022-23 വര്‍ഷത്തെ ആറാം ക്ലാസ്സിലേക്കുള്ള സെലക്ഷന്‍ ടെസ്റ്റ് ഏപ്രില്‍ 30ന് ദേശീയതലത്തില്‍ നടത്തും. ടെസ്റ്റില്‍ പങ്കെടുക്കുന്നവര്‍ അപേക്ഷ ഓണ്‍ലൈനായി നവംബര്‍ 30നകം സമര്‍പ്പിക്കണം. മലയാളത്തിലും ഇംഗ്ലീഷ്, ഹിന്ദി, തമിഴ്, കന്നട ഭാഷകളിലും പരീക്ഷയെഴുതാം.
ബുദ്ധിപരീക്ഷ, ഗണിതശാസ്ത്രം, ഭാഷാശേഷി എന്നിവയിലായി 80 ചോദ്യങ്ങളാണ് പരീക്ഷയ്ക്കുണ്ടാവുക. ഒബ്ജക്ടിവ് മാതൃകയിലായിരിക്കും പരീക്ഷ. ആകെ 100 മാര്‍ക്കിനാണിത്. അപേക്ഷാഫോമും വിശദവിവരങ്ങളടങ്ങിയ പ്രോസ്പെക്ടസും http://www.navodaya.gov.in എന്ന വെബ്സൈറ്റില്‍ ലഭ്യമാണ്. ഏപ്രില്‍ 30 ഞായറാഴ്ച രാവിലെ 11.30 മുതല്‍ ഉച്ചക്ക് 1.30 വരെയാണ് പരീക്ഷ.
പരീക്ഷയ്ക്ക് അപേക്ഷിക്കുന്ന വിദ്യാര്‍ഥികള്‍ 2009 മേയ് ഒന്നിന് മുമ്ബോ 2013 ഏപ്രില്‍ 30ന് ശേഷമോ ജനിച്ചവരാകരുത്. അതത് ജില്ലയിലെ സര്‍ക്കാര്‍/എയ്ഡഡ്/അംഗീകൃത സ്കൂളില്‍നിന്നും 2021-22 വര്‍ഷം അഞ്ചാം ക്ലാസ് പാസായിരിക്കണം.
