InternationalLatest
പി പി ഇ കിറ്റ് ധരിക്കുന്നവരുടെ ശരീരിഭാരം കുറയുന്നതായി പഠനം
ശ്രീജ.എസ്
കൊറോണ വൈറസ് ബാധയേല്ക്കാതിരിക്കാനായി കോവിഡ് 19 രോഗികളെ ചികിത്സിക്കുന്ന ഡോക്ടര്മാരും മറ്റ് ആരോഗ്യപ്രവര്ത്തകരും പിപിഇ കിറ്റ് ധരിക്കാറുണ്ട്. അത് നിര്ബന്ധമാണുതാനും. ഡ്യൂട്ടിയിലുള്ള സമയം മുഴുവനും, ഇടവേളകളില്ലാതെ, അതെത്ര മണിക്കൂര് ആയാലും ഡോക്ടര്മാരും നഴ്സുമാരും പൂര്ണമായും ഈ പിപിഇ കിറ്റിനുള്ളിലായിരിക്കും.
പിപിഇ കിറ്റ് ധരിക്കുമ്പോഴുള്ള വിയര്പ്പ്, ശ്വാസംമുട്ടല്, സമ്മര്ദ്ദം, ക്ഷീണം ഇവയെല്ലാം അതിജീവിച്ചാണ് ഇവര് മാസങ്ങളായി ജോലി ചെയ്തുകൊണ്ടിരിക്കുന്നത്. അതിനാല് അവര് അനുഭവിക്കുന്ന ആരോഗ്യപ്രശ്നങ്ങള് നിരവധിയാണെന്നാണ് ഇപ്പോള് പുറത്തുവന്നിരിക്കുന്ന പഠനം.
പിപിഇ കിറ്റ് ധരിക്കുന്നവരില് ശരീരഭാരം കുറയുന്നുവെന്നാണ് മുംബൈയിലെ ആരോഗ്യപ്രവര്ത്തകരില് നടത്തിയ പഠനത്തില് തെളിഞ്ഞിരിക്കുന്നത്.