‘ഒ​മി​ക്രോ​ണ്‍’; ഭീതി വേ​ണ്ടെ​ന്ന് ഐ​സി​എം​ആ​ര്‍

ന്യൂ​ഡ​ല്‍​ഹി: ദ​ക്ഷി​ണാ​ഫ്രി​ക്ക​യി​ല്‍ ക​ണ്ടെ​ത്തി​യ കോ​വി​ഡിന്റെ പു​തി​യ വ​ക​ഭേ​ദമായ ‘ഒ​മി​ക്രോ​ണ്‍’ മൂലം പ​രി​ഭ്രാ​ന്തി വേ​ണ്ടെ​ന്ന് ഇ​ന്ത്യ​ന്‍ കൗ​ണ്‍​സി​ല്‍ ഓ​ഫ് മെ​ഡി​ക്ക​ല്‍ റി​സ​ര്‍​ച്ച്‌ (ഐ​സി​എം​ആ​ര്‍). അതെ സമയം കോ​വി​ഡ് വാ​ക്സി​ന്‍റെ ര​ണ്ടാം ഡോ​സ് സ്വീ​ക​രി​ക്കു​ന്ന​തി​ല്‍ കാ​ല​താ​മ​സം വ​രു​ത്ത​രു​തെ​ന്നും ഐ​സി​എം ​ആ​ര്‍ നി​ര്‍​ദേ​ശി​ച്ചു.

“വൈ​റ​സി​ല്‍ ഘ​ട​ന​പ​ര​മാ​യ മാ​റ്റ​ങ്ങ​ള്‍ ക​ണ്ടെ​ത്തി​യേ​ക്കാം. എ​ന്നാ​ല്‍ ഇ​ത് മാ​ര​ക​മാ​യി​രി​ക്ക​ണ​മെ​ന്നി​ല്ല. നി​ല​വി​ല്‍ അ​ത്ത​ര​ത്തി​ലു​ള്ള ഡാ​റ്റ​ക​ളൊ​ന്നു​മി​ല്ല. തീ​ര്‍​ച്ച​യാ​യും കാ​ത്തി​രു​ന്ന് കാ​ണേ​ണ്ട​തു​ണ്ടെ​ന്നും ഐ​സി​എം​ആ​റി​ലെ എ​പ്പി​ഡെ​മി​യോ​ള​ജി ആ​ന്‍​ഡ് ക​മ്മ്യൂ​ണി​ക്ക​ബി​ള്‍ ഡി​സീ​സ​സ് മേ​ധാ​വി സ​മീ​ര​ന്‍ പാ​ണ്ട വ്യക്തമാക്കി .

അ​തി​തീ​വ്ര വ്യാ​പ​ന​ത്തി​നു​ള്ള തെ​ളി​വു​ക​ള്‍ ഇ​തു​വ​രെ​യി​ല്ല. എ​ന്നി​രു​ന്നാ​ലും ജാ​ഗ്ര​ത​യും പ്ര​തി​രോ​ധ ന​ട​പ​ടി​ക​ളും അത്യാവശ്യമാണ് . വാ​ക്സി​നേ​ഷ​ന്‍ ഉ​ട​ന​ടി വ​ര്‍​ധി​പ്പി​ക്കേ​ണ്ട​തു​ണ്ട്. വ​ലി​യൊ​രു വി​ഭാ​ഗം ആ​ളു​ക​ള്‍​ക്ക് ര​ണ്ടാം ഡോ​സ് വാ​ക്സി​ന്‍ ന​ല്‍​കു​ക​യാ​ണെ​ങ്കി​ല്‍ അ​ത് വ​ലി​യ ഗു​ണം ചെ​യ്യു​മെ​ന്നും സ​മീ​ര​ന്‍ കൂ​ട്ടി​ച്ചേ​ര്‍​ത്തു.

കോ​വി​ഡി​ന്റെ പു​തി​യ വ​ക​ഭേ​ദം ഒ​മി​ക്രോ​ണി​ന്റെ വ്യാ​പ​നം ക​ണ​ക്കി​ലെ​ടു​ത്ത് ക​ര്‍​ശ​ന ജാ​ഗ്ര​ത പു​ല​ര്‍​ത്ത​ണ​മെ​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി നിര്‍ദേശം നല്‍കി . അ​ന്താ​രാ​ഷ്‌​ട്ര വി​മാ​ന സ​ര്‍​വീ​സു​ക​ള്‍ പു​ന​രാ​രം​ഭി​ക്കാ​നു​ള്ള തീ​രു​മാ​നം പു​നഃ​പ​രി​ശോ​ധി​ക്ക​ണം.കോവിഡ് പ്രതിരോധത്തോടൊപ്പം വാ​ക്സി​ന്‍ ര​ണ്ടാം ഡോ​സ് വി​ത​ര​ണം വേ​ഗ​ത്തി​ലാ​ക്കാ​നും, സ​മ​യ​ബ​ന്ധി​ത​മാ​യി പൂ​ര്‍​ത്തി​യാ​ക്കാ​നും പ്ര​ധാ​ന​മ​ന്ത്രി നി​ര്‍​ദേ​ശി​ച്ചു.