![“Manju”](https://santhigirinews.org/wp-content/uploads/2020/04/YOUTUBE.jpg")
ബെയ്ജിങ്: ചൈനയുടെ മുതുമുത്തശ്ശി അലിമിഹാന്‍ സെയ്തി 135ാം വയസില്‍ വിടവാങ്ങി. സിന്‍ജിയാങ്ങില്‍ ഉയ്ഗൂരില്‍ വെച്ചായിരുന്നു അന്ത്യം. ചൈനയിലെ മാത്രമല്ല, ലോകത്തിലെ തന്നെ ഏറ്റവും പ്രായം കൂടിയ വ്യക്തിയാണ് അലിമിഹാന്‍. 2013 ല്‍ ചൈനയിലെ അസോസിയേഷന്‍ ഓഫ് ജെറന്റോളജി ആന്‍ഡ് ജെറിയാട്രിക്സ് തയാറാക്കിയ ജീവിച്ചിരിക്കുന്ന ഏറ്റവും പ്രായം കൂടിയ വ്യക്തികളില്‍ മുത്തശ്ശി. ഒന്നാം സ്ഥാനത്തെത്തിയിരുന്നു.
മരണത്തിന് മുമ്പ് വ്യാഴാഴ്ച രാവിലെവരെ കൃത്യമായ ജീവിതചര്യ സ്വീകരിച്ചിരുന്ന വ്യക്തിയായിരുന്നു അലിമിഹാന്‍. സമയത്തിന് ഭക്ഷണം കഴിക്കുക, ദിവസം വെയില്‍ കൊള്ളുക എന്നിവ പാലിച്ചുപോന്നിരുന്നു. ഒപ്പം പേരക്കുട്ടികളെ നോക്കാനും മുത്തശ്ലി സമയം ചെലവിട്ടിരുന്നു . ‘ദീര്‍ഘായുസ് നഗരം’ എന്നാണ് മുത്തശ്ശി താമസിച്ചിരുന്ന കോമുക്സെറിക് അറിയപ്പെടുന്നത്. 90 വയസിന് മുകളിലുള്ള നിരവധിപേര്‍ ജീവിച്ചിരിക്കുന്ന സ്ഥലമാണിവിടം.
