ഡല്ഹി ; ഒമിക്രോണിനെ നേരിടാന് ഇന്ത്യ സജ്ജമാണെന്ന് കേന്ദ്ര സര്ക്കാര്. അടുത്ത രണ്ടുമാസത്തിനുള്ളില് വാക്സിന് നിര്മ്മാണ ശേഷി പ്രതിമാസം 45 കോടി ഡോസുകളായി വര്ദ്ധിപ്പിക്കുമെന്നും കേന്ദ്രം അറിയിച്ചു. അടിയന്തര സാഹചര്യം നേരിടാന് ഓക്സിജനും മരുന്നും സ്റ്റോക്കുകള് തയാറാക്കിയിട്ടുണ്ടെന്നും സംസ്ഥാനങ്ങള്ക്ക് 48,000 വെന്റിലേറ്ററുകള് വിതരണം ചെയ്തിട്ടുണ്ടെന്നും ആരോഗ്യമന്ത്രി മന്സുഖ് മാണ്ഡവ്യ അറിയിച്ചു.
ഇന്ത്യയില് ഒമിക്രോണ് ബാധിതരുടെ എണ്ണം 161 ആയതിന് പിന്നാലെയാണ് കേന്ദ്രത്തിന്റെ പ്രതികരണം. ആഗോളതലത്തില് ഒമിക്രോണ് വ്യാപനത്തിന്റെ പശ്ചാത്തലത്തില് നിയന്ത്രണങ്ങള് കൊണ്ടുവന്നിരുന്നു. നെതര്ലന്റ്സ് ഉള്പ്പെടെയുള്ള രാജ്യങ്ങള് ഒമിക്രോണ് വ്യാപനത്തെ തുടര്ന്ന് ലോക്ഡൗണ് പ്രഖ്യാപിച്ചു. ക്രിസ്മസ് –ന്യൂഇയര് ആഘോഷങ്ങളെ ഇത് പ്രതികൂലമായി ബാധിക്കും.