![“Manju”](https://santhigirinews.org/wp-content/uploads/2020/04/YOUTUBE.jpg")
ഡല്‍ഹി : ബജറ്റ് സമ്മേളനം ഇന്ത്യക്ക് വലിയ അവസരമാണെന്ന് പ്രധാനമന്ത്രി നരേന്ദ്ര മോദി. രാജ്യത്തിന്റെ വികസനത്തിനായുള്ള ച‌‌‍‍ര്‍ച്ച നടക്കണമെന്നും തെരഞ്ഞെടുപ്പ് പാര്ലമെന്റ് ച‌ര്‍ച്ചകളെ സ്വാധീനിക്കേണ്ടതില്ലെന്നും പ്രധാനമന്ത്രി ബജറ്റ് സമ്മേളനത്തിന് മുന്നോടിയായി മാധ്യമങ്ങളോട് പറഞ്ഞു. തെരഞ്ഞെടുപ്പ് അതാത് സംസ്ഥാനങ്ങളില്‍ നടക്കട്ടേയെന്നാണ് മോദിയുടെ നിലപാട്.
പാര്ലമെന്റ് ബജറ്റ് സമ്മേളനത്തിന്റെ ആദ്യഘട്ടത്തിന് ഇന്ന് തുടക്കമാവുകയാണ്. ഫെബ്രുവരി പതിനൊന്ന് വരെയാണ് ആദ്യഘട്ടം. രാഷ്ട്രപതിയുടെ നയപ്രഖ്യാപന പ്രസംഗത്തോടെയാവും പാര്ലമെന്റ് സമ്മേളനം തുടങ്ങുക. 2021-2022 വര്‍ഷത്തെ സാമ്പത്തിക സര്‍വ്വേ ധനമന്ത്രി ഇരുസഭകളിലും വയ്ക്കും.
കൊവിഡ് മൂന്നാം തരംഗത്തിന്റെ സാഹചര്യത്തില്‍ രാജ്യസഭ രാവിലെയും ലോക്സഭ വൈകിട്ടും ചേരുന്ന വിധത്തിലാണ് ഒരുക്കങ്ങള്‍. ഒരു സഭയിലെ അംഗങ്ങള്‍ രണ്ടു സഭകളിലും ഗ്യാലറിയിലും ആയിട്ടാവും ഇരിക്കുക. പിടി തോമസ് ഉള്‍പ്പടെ അന്തരിച്ച മുന്‍ അംഗങ്ങള്‍ക്ക് ലോക്സഭ ഇന്ന് ആദരാഞ്ജലി അര്‍പ്പിക്കും.
പെഗാസസ് ഇന്ത്യ വാങ്ങി എന്ന റിപ്പോര്‍ട് ആദ്യ ദിനം തന്നെ ഉന്നയിക്കാനാണ് പ്രതിപക്ഷത്തിന്റെ തീരുമാനം. ഐടി മന്ത്രി അശ്വിനി വൈഷ്ണവിനെതിരെ കോണ്‍ഗ്രസ് നേതാവ് അധിര്‍ര‍ഞ്ജന്‍ ചൗധരി ഇന്നലെ അവകാശലംഘന നോട്ടീസ് നല്കിയിരുന്നു.
