ന്യൂഡല്ഹി : ദേശീയ സുരക്ഷാ ഉപദേഷ്ടാവ് അജിത് ഡോവലിന്റെ വീട്ടിലേക്ക് കാര് ഓടിച്ചു കയറ്റാന് ശ്രമിച്ച യുവാവ് പിടിയില്.
ബുധനാഴ്ച രാവിലെയാണ് സംഭവം. ഡല്ഹിയിലെ ഡോവലിന്റെ ഔദ്യോഗിക വസതിയിലേക്കാണ് കാര് ഓടിച്ചു കയറ്റാന് ശ്രമിച്ചത്. ഡല്ഹി പൊലീസ് കസ്റ്റഡിയില് എടുത്ത യുവാവിനെ സ്പെഷ്യല് സെല് ചോദ്യം ചെയ്തുവരികയാണ്.
യുവാവ് വാടകക്കെടുത്ത കാറിലാണ് സഞ്ചരിച്ചതെന്നും ഇയാള് മാനസിക അസ്വാസ്ഥ്യം പ്രകടിപ്പിക്കുന്നുണ്ടെന്നും പൊലീസ് പറഞ്ഞു. വിശദമായി ചോദ്യം ചെയ്തുവരികയാണെന്നും പൊലീസ് അറിയിച്ചു.