കൊയിലാണ്ടി: ദേശീയപാതയില് ലോറിയും പിക്കപ്പും കൂട്ടിയിടിച്ച് രണ്ട് പേര്ക്ക് പരുക്ക്. ഇന്ന് രാവിലെ തിരുവങ്ങൂരിലായിരുന്നു അപകടം. പെരുമ്പാവൂര് സ്വദേശികളായ ബിനു, ജോയി എന്നിവര്ക്കാണ് പരിക്കേറ്റത്. ഇവരെ താലൂക്ക് ആശുപത്രിയില് പ്രവേശിപ്പിച്ചു.
തിരുവങ്ങൂര് കാലിത്തീറ്റ ഗോഡൗണിലേക്ക് വന്ന ലോറിക്ക് പിന്നില് പെരുമ്പാവൂരില് നിന്നും വന്ന പിക്കപ്പില് ഇടിക്കുകയായിരുന്നു. ഇടിയുടെ ആഘാതത്തില് പിക്കപ്പിന്റെ മുന്വശം പൂര്ണമായും തകര്ന്നു. ഒടുവില് കൊയിലാണ്ടിയില് നിന്നും ഫയര് ഫോഴ്സ് വന്ന് നാട്ടുകാരുടെ സഹായത്തോടെയാണ് പിക്കപ്പ് ലോറിയിലുണ്ടായിരുന്നവരെ പുറത്തെടുത്തത്.