ന്യൂഡല്ഹി: എന്ഡിഎയുടെ രാഷ്ട്രപതി സ്ഥാനാര്ഥി ദ്രൗപതി മുര്മുവിന് പ്രധാനമന്ത്രി നരേന്ദ്ര മോദി ആശംസകളറിയിച്ചു. ദ്രൗപതി മുര്മുവിന്റെ നയപരമായ കാര്യങ്ങളിലെ ധാരണയും അനുകമ്പയുള്ള സ്വഭാവവും നമ്മുടെ രാജ്യത്തിന് വളരെയധികം ഗുണം ചെയ്യുമെന്ന് മോദി പറഞ്ഞു. സമൂഹത്തെ സേവിക്കുന്നതിനും ദരിദ്രരെയും അധഃസ്ഥിതരെയും പാര്ശ്വവല്ക്കരിക്കപ്പെട്ടവരെയും ശാക്തീകരിക്കുന്നതിനും സമര്പ്പിച്ച വ്യക്തിത്വമാണ് അവരുടേതെന്നും മോദി ട്വിറ്ററില് കുറിച്ചു.
രാഷ്ട്രപതി സ്ഥാനത്തേക്ക് 20 പേരുകള് ചര്ച്ചയായതില് നിന്നാണ് എന്ഡിഎ യോഗം ദ്രൗപതി മുര്മുവിനെ തെരഞ്ഞെടുത്തത്. 2000 മുതല് 2004വരെ ഒഡീഷയിലെ റയ്റങ്ക്പൂര് അസംബ്ലി നിയോജക മണ്ഡലത്തില് നിന്നുള്ള എംഎല്എ ആയിരുന്നു.