ഗുരുവായൂരിൽ ആവേശമായി ആനയോട്ടം; ഗോപീകൃഷ്ണൻ ജേതാവ്

തൃശൂർ: ഗുരുപവനപുരിയിൽ ആവേശമുണർത്തിയ ആനയോട്ടത്തിൽ കൊമ്പൻ ഗോപീകൃഷ്ണൻ ജേതാവ്. ഗുരുവായൂർ ഉത്സവത്തിന് മുന്നോടിയായുള്ള ആനയോട്ടം നിയന്ത്രണങ്ങളോടെയാണ് നടന്നത്. ക്ഷേത്രോത്സവത്തിന് ഇന്ന് രാത്രി കൊടിയേറും.

കഴിഞ്ഞ വർഷം ഉൾപ്പെടെ എട്ട് തവണ വിജയിയായിരുന്ന ഗോപീകണ്ണനെ കിഴക്കേ നടശാലയ്ക്ക് മുൻപിൽ മറികടന്നാണ് ഗോപീകൃഷ്ണൻ വിജയിയായത്. ഗോപീകൃഷ്ണൻ ക്ഷേത്രത്തിനകത്ത് 7 പ്രദക്ഷിണം പൂർത്തിയാക്കി. വിജയിയെ നിറപറ ചൊരിഞ്ഞ് സ്വീകരിച്ചു. ഉത്സവത്തിനിടെ തിടമ്പ് എഴുന്നള്ളിക്കുക ഗോപീകണ്ണന്റെ മസ്തകത്തിലാവും. നാളെ മുതൽ ക്ഷേത്രത്തിൽ 5000 പേർക്ക് വീതം ദർശനം അനുവദിക്കും. മാർച്ച് നാലിന് പള്ളിവേട്ടയും അഞ്ചിന് ആറാട്ടും കടുത്ത നിയന്ത്രണങ്ങളോടെ നടക്കും.