![“Manju”](https://santhigirinews.org/wp-content/uploads/2020/04/YOUTUBE.jpg")
നൂര്‍ സുല്‍ത്താന്‍: ഫ്രാന്‍സിസ് മാര്‍പാപ്പ മധ്യേഷ്യന്‍ രാജ്യമായ കസാക്കിസ്ഥാനില്‍ അപ്പസ്തോലിക പര്യടനം ആരംഭിച്ചു.
റോമില്‍നിന്നു വിമാനം കയറിയ അദ്ദേഹം ഇന്നലെ പ്രാദേശികസമയം ഉച്ചയ്ക്കു കസാക്കിസ്ഥാന്റെ തലസ്ഥാനമായ നൂര്‍ സുല്‍ത്താനിലെത്തി. കസാക്കിസ്ഥാന്‍ പ്രസിഡന്‍റ് കാസിം ജോമാര്‍ത്ത് തൊകായേവിന്‍റെ നേതൃത്വത്തിലുള്ള സംഘം മാര്‍പാപ്പയെ സ്വീകരിച്ചു. തുടര്‍ന്ന് മാര്‍പാപ്പ, പ്രസിഡന്‍റിന്‍റെ കൊട്ടാരത്തില്‍ നടന്ന സ്വീകരണസമ്മേളനത്തില്‍ പങ്കെടുത്തു.
ഇന്നാരംഭിക്കുന്ന ഏഴാമത് ആഗോള പരന്പരാഗത മതനേതാക്കളുടെ സമ്മേളനത്തില്‍ പങ്കെടുക്കാനാണു മാര്‍പാപ്പ എത്തിയിരിക്കുന്നത്. ഉദ്ഘാടന സമ്മേളനത്തെ മാര്‍പാപ്പ അഭിസംബോധന ചെയ്യുന്ന മാര്‍പ്പാപ്പ നൂറോളം രാജ്യങ്ങളില്‍നിന്നുള്ള പ്രതിനിധികള്‍ സമ്മേളനത്തില്‍ പങ്കെടുക്കുന്നു മീറ്റിംഗില്‍ സംബന്ധിച്ചശേഷം ചില മതനേതാക്കളുമായി മാര്‍പാപ്പ പ്രത്യേകം കൂടിക്കാഴ്ച നടത്തും.
ഉച്ചയ്ക്ക് നൂര്‍ സുല്‍ത്താനിലെ എക്സ്പോ ഗ്രൗണ്ടില്‍ മാര്‍പാപ്പ ദിവ്യബലിയര്‍പ്പിക്കുന്ന മാര്‍പ്പാപ്പ നാളെ വൈകുന്നേരം മതസമ്മേളനത്തിന്റെ സമാപന യോഗത്തെയും മാര്‍പാപ്പ അഭിസംബോധന ചെയ്യും. തുടര്‍ന്ന് റോമിലേക്കു മടങ്ങും. ഫ്രാന്‍സിസ് മാര്‍പാപ്പയുടെ 38-ാമത് അപ്പസ്തോലിക പര്യടനമാണിത്.
