ന്യൂഡല്ഹി: ഡല്ഹിക്ക് കര്ശനമായി കേന്ദ്ര സര്ക്കാര് പ്രതിദിനം 700 മെട്രിക്ക് ടണ് മെഡിക്കല് ഓക്സിജന് നല്കണമെന്ന് സുപ്രീംകോടതി. 700 മെട്രിക് ടണ് ഓക്സിജന് തന്നെ കൃത്യമായി നല്കണമെന്നും വിട്ടുവീഴ്ച ചെയ്ത് ഇക്കാര്യത്തില് നടപടിയെടുക്കാന് കോടതിയെ നിര്ബന്ധിക്കരുതെന്നും സുപ്രീംകോടതി വ്യക്തമാക്കി.
തുടര്ച്ചയായ മൂന്നാം ദിവസമാണ് മെഡിക്കല് ഓക്സിജന്റെ കുറവ് സുപ്രീം കോടതിയില് ചര്ച്ച ചെയ്തത്. അര്ദ്ധരാത്രിയോടെ 527 മെട്രിക് ടണ് ഓക്സിജനും ഇന്ന് രാവിലെ ഒന്പതോടെ 89 മെട്രിക് ടണ് ഓക്സിജനും ഡല്ഹിക്ക് ലഭിച്ചുവെന്ന് ഡല്ഹി സര്ക്കാരിന്റെ അഭിഭാഷകന് രാഹുല് മെഹ്റ കോടതിയെ അറിയിച്ചു. 16 മെട്രിക് ടണ് എത്തിക്കൊണ്ടിക്കുകയാണെന്നും അദ്ദേഹം വ്യക്തമാക്കി.