കൊച്ചി : സ്വർണവിലയിൽ വൻ ഇടിവ്. പവന് 440 രൂപയാണ് ഇന്ന് കുറഞ്ഞത്. ഇതോടെ ഗ്രാമിന് 4270 രൂപ നിരക്കിൽ ഒരു പവൻ സ്വർണത്തിന് 34,160 രൂപയായി കുറഞ്ഞു. ഈ മാസത്തെ ഏറ്റവും കുറഞ്ഞ വിലയാണിത്. മൂന്ന് ദിവസത്തിനിടെ 840 രൂപയാണ് സ്വർണത്തിന് കുറഞ്ഞിരിക്കുന്നത്.
ഫെബ്രുവരി 1 ന് രേഖപ്പെടുത്തിയ 36,800 രൂപയായിരുന്നു ഈ മാസത്തെ ഏറ്റവും കൂടിയ വില. തുടർന്ന് ഫെബ്രുവരി 19 ആയപ്പോഴേയ്ക്കും ഈ മാസത്തെ ഏറ്റവും കുറഞ്ഞ വിലയായ 34,400 ൽ എത്തിയിരുന്നു. കണക്ക് പ്രകാരം ഫെബ്രുവരിയിൽ മാത്രം 2640 രൂപയാണ് സ്വർണത്തിന് കുറഞ്ഞിരിക്കുന്നത്. വില ഇനിയും ഇടിയുമെന്നാണ് പ്രതീക്ഷ. രാജ്യാന്തര വിപണിയിൽ യു എസ് ട്രഷറി വരുമാനം ഉയർന്നതു മൂലം സ്വർണം നേരിടുന്ന ഇടിവാണ് ആഭ്യന്തര വിപണിയിലും പ്രകടമാകുന്നത്.