![“Manju”](https://santhigirinews.org/wp-content/uploads/2020/04/YOUTUBE.jpg")
സിര്‍സ: ഹരിയാനയിലെ സിര്‍സയില്‍ വ്യാജ ഇന്ധന നിര്‍മ്മാണ യൂണിറ്റില്‍ നിന്നും 75,500 ലിറ്റര്‍ വ്യാജ ഡീസലും, 6 ലക്ഷത്തിലധികം രൂപയും പൊലീസ് പിടിച്ചെടുത്തു. പൊലീസിന് ലഭിച്ച രഹസ്യവിവരത്തെ തുടര്‍ന്നാണ് റെയ്ഡ്. സംഭവുമായി ബന്ധപ്പെട്ട് രണ്ട് പേരെ പൊലീസ് അറസ്റ്റ് ചെയ്തു.
ആദംപൂര്‍ സ്വദേശിയായ സെയില്‍സ്മാന്‍ ദീപക്, രാജസ്ഥാന്‍ സ്വദേശി രമേഷ് എന്നിവരാണ് അറസ്റ്റിലായ പ്രതികള്‍. ഇവരില്‍ നിന്ന് 6,11,360 രൂപയും പിടിച്ചെടുത്തു. ടാങ്കര്‍ ഡ്രമ്മുകള്‍, ഡീസല്‍ നോസല്‍ മെഷീനുള്ള യന്ത്രം, ഡീസല്‍ മാറ്റുന്നതിനുള്ള രണ്ട് മോട്ടോറുകള്‍ എന്നിവ റെയ്‌ഡില്‍ കണ്ടെടുത്തു. ഗോഡൗണില്‍ ബേസ് ഓയില്‍, പാരഫിന്‍, മിനറല്‍ ടര്‍പേന്റൈന്‍ ഓയില്‍ എന്നിവ കലര്‍ത്തിയാണ് പ്രതികള്‍ വ്യാജ ഡീസല്‍ തയാറാക്കിയിരുന്നതെന്ന് ഹരിയാന പൊലീസ് അറിയിച്ചു.
