കേരള ഗസ്റ്റ് ഹൗസ് കം ഹോട്ടലിന് ടൂറിസം മന്ത്രി കടകംപള്ളി സുരേന്ദ്രന് തറക്കല്ലിട്ടു

കെടിഡിസി കന്യാകുമാരിയില് നിര്മ്മിക്കുന്ന കേരള ഗസ്റ്റ് ഹൗസ് കം ഹോട്ടലിന് ടൂറിസം മന്ത്രി കടകംപള്ളി സുരേന്ദ്രന് തറക്കല്ലിട്ടു. 17.6 കോടി രൂപയുടെ പദ്ധതിക്കാണ് സംസ്ഥാന സര്ക്കാര് ഭരണാനുമതി നല്കിയിരിക്കുന്നത്. പഞ്ച നക്ഷത്ര സൗകര്യങ്ങളുള്ള 34 മുറികളുള്ള ഗസ്റ്റ് ഹൗസാണ് കേരള ടൂറിസത്തിന്റെ അഭിമാന ചിഹ്നമായി കന്യാകുമാരിയില് ഒരുങ്ങുന്നത് . ടെണ്ടര് നടപടികള് പൂര്ത്തിയായ പദ്ധതിയുടെ നിര്മ്മാണം ഉടന് ആരംഭിക്കുകയും സമയബന്ധിതമായി പൂര്ത്തിയാക്കുകയും ചെയ്യുമെന്ന് മന്ത്രി പറഞ്ഞു.