ഹരീഷ് റാം
അഹമ്മദാബാദ്: അഹമ്മദാബാദ് വെജൽപൂരിൽ വർഷങ്ങളായി വളരെ മികച്ച രീതിയിൽ പ്രവർത്തിച്ചു വരുന്ന ഡോൺ ബോസ്കോ സ്കൂളിന്റെ മാനേജിംഗ് ട്രസ്റ്റി മെമ്പറായിരുന്ന ബിജി ജോസഫ് ചക്കാലയിൽ ഇന്ന് രാവിലെ നിര്യാതനയായി. അദ്ദേഹത്തിന് 60 വയസ്സുണ്ട്.
ഡോൺ ബോസ്കോ സ്കൂൾ സ്ഥാപകനും പരേതനുമായ ശ്രീ ജോസഫ് സാറാണ് അദ്ദേഹത്തിന്റെ പിതാവ്. സ്കൂൾ മാനേജർ ശ്രീ.ജിജി ജോസഫ് സഹോദരനും ശ്രീമതി. ജെസ്സി ബിജി ഭാര്യയുമാണ്.
അഹമ്മദാബാദ് കേരള സമാജം വെജൽ പൂരിന്റെ നേതൃത്വത്തിലുള്ള മലയാളം മിഷന്റെ ക്ലാസ്സുകൾ ഡോൺ ബോസ്കോ സ്കൂളിൽ വെച്ചാണ് നടത്തി വരുന്നത്.
അദ്ദേഹത്തിന്റെ വേർപാടിൽ അഹമ്മദാബാദ് കേരള സമാജം വെജൽപൂര് വാർഡും, മലയാളം മിഷൻ പ്രവർത്തകരും അഗാധമായ ദുഃഖം രേഖപ്പെടുത്തി.