സിന്ധുമോള് ആര്
ചെന്നൈ: കൊവിഡ് അതിവേഗം പടരുന്നതിനിടെ രാജ്യത്തെ ഡോക്ടര്മാരുടെ സുരക്ഷയില് കൂടുതല് ഇടപെടല് വേണമെന്ന് ചൂണ്ടിക്കാട്ടി ഇന്ത്യന് മെഡിക്കല് അസോസിയേഷന് ( ഐ എം എ) പ്രധാനമന്ത്രിക്ക് കത്തയച്ചു. ഇന്ത്യയൊട്ടാകെ 196 ഡോക്ടര്മാര് കൊവിഡ് ബാധിച്ച് മരിച്ചതായാണ് ഐ എം എയുടെ കത്തിലുള്ളത്. മരിച്ച ഡോക്ടര്മാരില് 170ഓളം പേര് 50 വയസ്സിന് മുകളിലുള്ളവരാണ്.
രാജ്യത്ത് മൂന്നരലക്ഷത്തിലധികം ഡോക്ടര്മാരാണുള്ളത്. 40 ശതമാനം പേര് ജനറല് ഫിസിഷ്യന്മാരാണ്. പനി അടക്കം സാധാരണ അസുഖങ്ങളുമായി രോഗികള് സമീപിക്കുക ഇവരെയാണ്. അതിനാല്, സമ്പര്ക്ക സാധ്യതയേറും. ആശുപത്രികളിലെ സൗകര്യക്കുറവും മരുന്നുകളുടെ അഭാവവുമെല്ലാം സ്ഥിതി ഗുരുതരമാക്കുന്നെന്നും- കത്തില് ചൂണ്ടിക്കാട്ടി. കോവിഡ് ബാധിച്ചു മരിച്ച ഡോക്ടര്മാരുടെ പട്ടികയും ഐ.എം.എ പുറത്തിറക്കി.