![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: ലോകത്തെ മികച്ച 150 സര്‍വകലാശാലകളില്‍ ഇടം പിടിച്ച്‌ ഐ.ഐ.ടി ബോംബെ. ക്യു.എസ് സര്‍വകലാശാലാ റാങ്കിങ്ങില്‍ 149-ാമതായാണ് ഐ.ഐ.ടി ബോംബെ എത്തിയത്. കഴിഞ്ഞ തവണ 172-ാം സ്ഥാനത്തായിരുന്നു ഐ.ഐ.ടി ബോംബെ.
ഗവേഷണമേഖലയിലുണ്ടായ മികവാണ് സര്‍വകലാശാലയ്ക്ക് തുണയായത്. 2018-2022 നും ഇടയില്‍ 17 ശതമാനം വളര്‍ച്ചയാണ് ഐഐടി ബോംബെയുടെ ഗവേഷണ മേഖലയ്ക്ക് കൈവന്നത്.
197-ാം റാങ്കുള്ള ഐ.ഐ.ടി ഡല്‍ഹിയാണ് ആദ്യ 200-ല്‍ ഇടം പിടിച്ച്‌ ഇന്ത്യയില്‍ നിന്ന് രണ്ടാമതെത്തിയത്. അതേസമയം ആദ്യ 200-ല്‍ ഇടം പിടിക്കുകയും ഇന്ത്യയില്‍ നിന്ന് ഒന്നാമതുമായിരുന്ന ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ഇത്തവണ 225-ാമത്തെ സ്ഥാനത്താണ്.
