ന്യൂഡല്ഹി : 2023 ലെ “ഇന്ത്യൻ ഓഫ് ദ ഇയര്” അവാര്ഡ് ഇസ്രോയ്ക്ക് സമ്മാനിച്ച് കേന്ദ്രമന്ത്രി ഡോ ജിതേന്ദ്ര സിംഗ് .ഐഎസ്ആര്ഒ ചെയര്മാൻ എസ്. സോമനാഥും ചന്ദ്രയാൻ 3 ന്റെ പ്രോജക്ട് ഡയറക്ടര് ഡോ. പി.വീരമുത്തുവേലും ചേര്ന്ന് അവാര്ഡ് ഏറ്റുവാങ്ങി. ബഹിരാകാശ പര്യവേഷണത്തിന്റെ അതിരുകള് ഭേദിക്കുന്നതില് ഐഎസ്ആര്ഒ നല്കിയ ശ്രദ്ധേയമായ സംഭാവനകളെ അംഗീകരിച്ചാണ് അവാര്ഡ്. ബഹിരാകാശ പര്യവേഷണത്തിന്റെ അതിരുകള് ഭേദിക്കുന്നതില് ഐഎസ്ആര്ഒ നല്കിയ ശ്രദ്ധേയമായ സംഭാവനകളെ അംഗീകരിച്ചാണ് അവാര്ഡ് .
“ഇന്ത്യയുടെ ബഹിരാകാശ ഏജൻസി വെല്ലുവിളികളെ അഭിമുഖീകരിച്ച് സമാനതകളില്ലാത്ത കഴിവും പ്രതിരോധവും പ്രകടിപ്പിച്ച ഒരു കാലഘട്ടമായി 2023 ചരിത്രത്തിന്റെ പുസ്തകങ്ങളില് രേഖപ്പെടുത്തപ്പെടും. 2023-ലെ ഐഎസ്ആര്ഒയുടെ നേട്ടങ്ങളുടെ പരകോടി ചന്ദ്രന്റെ അജ്ഞാത ദക്ഷിണധ്രുവ മേഖലയില് ചന്ദ്രയാൻ-3 വിജയകരമായി ആദ്യമായി ഇറക്കിയതാണ്. ചന്ദ്രയാൻ-3 തദ്ദേശീയം മാത്രമല്ല, വളരെ ചെലവുകുറഞ്ഞ ദൗത്യം കൂടിയാണെന്ന് ” ഡോ ജിതേന്ദ്ര സിംഗ് പറഞ്ഞു.
ചന്ദ്രയാൻ -3 അല്ലെങ്കില് ആദിത്യ പോലുള്ള ബഹിരാകാശ പരിപാടികളുടെ വിക്ഷേപണത്തിന് രാജ്യത്തെ സാധാരണ ജനങ്ങള്ക്ക് സാക്ഷ്യം വഹിക്കാൻ കഴിഞ്ഞുവെന്ന് ഡോ ജിതേന്ദ്ര സിംഗ് പറഞ്ഞു. ആദിത്യ വിക്ഷേപണം കാണാൻ 10,000-ത്തിലധികം കാണികളും 1,000-ലധികം മാദ്ധ്യമപ്രവര്ത്തകരും ധാരാളം സാധാരണക്കാരും എത്തിയിരുന്നു. ചന്ദ്രയാൻ -3 ചന്ദ്രനില് ഇറങ്ങുന്ന സമയത്തും സമാനമായ അവസ്ഥ ഉണ്ടായിരുന്നു.
ചന്ദ്രയാൻ-3 ചാന്ദ്ര ദക്ഷിണധ്രുവ മേഖലയില് ചരിത്രപരമായ ലാൻഡിംഗ് നടത്തിയപ്പോള് രാജ്യം മുഴുവനും ആദ്യമായി പങ്കാളികളായി. ഒരു തരത്തില് പറഞ്ഞാല്, ഈ ബഹിരാകാശ ദൗത്യങ്ങള് സ്വന്തമാക്കുക എന്ന ബോധം രാജ്യത്തിന് നല്കിയിട്ടുണ്ട്,- ഡോ ജിതേന്ദ്ര സിംഗ് പറഞ്ഞു.