![](https://i0.wp.com/santhigirinews.org/wp-content/uploads/2024/03/download-10.jpg?resize=272%2C185&ssl=1)
തിരുവനന്തപുരം: ടിപ്പറില് നിന്ന് കല്ല് തെറിച്ചുവീണ് ബൈക്ക് യാത്രികന് ഗുരുതര പരിക്ക്. വിഴിഞ്ഞം മുക്കോലയിലാണ് സംഭവം. മുക്കോല സ്വദേശിയും ബിഡിഎസ് വിദ്യാര്ത്ഥിയുമായ അനന്തുവിനാണ് പരിക്കേറ്റത്. വിഴിഞ്ഞം തുറമുഖത്തേയ്ക്ക് കല്ല് കൊണ്ടുവന്ന ടിപ്പറില് നിന്നാണ് കല്ലുതെറിച്ച് വീണത്. കൈക്കും തലയ്ക്കും ഗുരുതര പരിക്ക് പറ്റിയ അനന്തുവിനെ സ്വകാര്യ ആശുപത്രിയില് പ്രവേശിപ്പിച്ചു.
സംഭവത്തെ തുടര്ന്ന് വിവിധ കക്ഷികളുടെ നേതൃത്വത്തില് തുറമുഖ കവാടത്തിനു മുന്നില് പ്രതിഷേധിച്ചു. പ്രതിഷേധക്കാര് അദാനി ഗ്രൂപ്പ് അധികൃതരുമായി ചര്ച്ച നടത്തുന്നുണ്ട്.