കാക്കനാട്: മലമ്പാമ്പുകളുടെ ശല്യത്തില് പൊറുതി മുട്ടി കാക്കനാട്. ജില്ല ആസ്ഥാനത്തും പരിസര പ്രദേശങ്ങളിലുമായി രണ്ടു മാസത്തിനിടെ ആറു മലമ്പാമ്പു കളെയാണ് പിടികൂടിയത്.
വെള്ളിയാഴ്ച ഉച്ചയോടെയാണ് കാക്കനാട് പി.എസ്.എന്.എല്ലിന് സമീപത്തെ സ്വകാര്യ വ്യക്തിയുടെ പറമ്പ് വൃത്തിയാക്കുന്നതിനിടെ തൊഴിലാളികളാണ് ആറടിയിലധികം നീളമുള്ള പാമ്പിനെ കണ്ടത്. പിന്നീട് നാട്ടുകാരുടെ സഹായത്തോടെ പിടികൂടി വന്യ ജീവി വകുപ്പ് അധികൃതര്ക്ക് കൈമാറി.
ഈ ഭാഗത്തെ പുരയിടത്തില് നിന്ന് നേരത്തെ രണ്ട് തവണ മലമ്ബാമ്ബിനെ പിടികൂടിയിട്ടുണ്ട്. ഒരു മാസം മുമ്പ് സെസിന് സമീപം കേന്ദ്രീയ ഭവന് അടുത്തുള്ള വീട്ടിലെ കോഴിക്കൂടിന് മുകളില്നിന്നും മലമ്ബാമ്ബിനെ കണ്ടെത്തിയിരുന്നു. അതേസമയം പാമ്ബിനെ പിടികൂടിയാലും ഫോറസ്റ്റ് അധികൃതര് എത്തുന്നത് വരെ സൂക്ഷിക്കുന്ന കാര്യം നാട്ടുകാര്ക്ക് വലിയ തലവേദന ആയിട്ടുണ്ട്. പൊലീസ് സ്റ്റേഷനില് വിളിച്ചാല് അവര് കൈമലര്ത്തുകയാണെന്ന് നാട്ടുകാര് പറഞ്ഞു.