കൊവിഡ് വ്യാപനം രൂക്ഷം; നിയന്ത്രണങ്ങള് കടുപ്പിച്ച് ആരോഗ്യ വകുപ്പ്
തിരുവനന്തപുരം: സംസ്ഥാനത്ത് കൊവിഡ് വ്യാപനം തീവ്രമാകുമെന്ന് ആരോഗ്യ വകുപ്പിന്റെ മുന്നറിയിപ്പ്. പ്രതിദിന രോഗികളുടെ എണ്ണവും ടെസ്റ്റ് പോസിറ്റിവിറ്റി നിരക്കും കുതിച്ചുയരുകയാണ്. തിരുവനന്തപുരം, എറണാകുളം, തൃശൂര്, കോഴിക്കോട്, കോട്ടയം ജില്ലകളില് രോഗ വ്യാപനം രൂക്ഷമാണ്. തിരുവനന്തപുരത്ത് ടിപിആര് 36 ന് മുകളിലാണ്. ആള്ക്കൂട്ട നിയന്ത്രണം കര്ശനമാക്കുന്നതിനായി കൂടുതല് സെക്ട്രല് മജിസ്ട്രേറ്റുമാരെ നിയോഗിക്കാന് നിര്ദ്ദേശം നല്കിയിട്ടുണ്ട്.
സംസ്ഥാനത്ത് ബുധനാഴ്ച്ച മുതല് സ്കൂളിലെത്തി കുട്ടികള്ക്ക് വാക്സിന് നല്കുമെന്ന് ആരോഗ്യ മന്ത്രി അറിയിച്ചു. സ്കൂളുകളിലെ വാക്സിനേഷന് സംബന്ധിച്ച മാര്ഗനിര്ദ്ദേശങ്ങള് ആരോഗ്യ വകുപ്പ് പുറത്തിറക്കിയിട്ടുണ്ട്.
ഇന്നലെ പ്രതിദിന കൊവിഡ് കേസുകള് പതിനെട്ടായിരം കടന്നപ്പോള് ഇന്നലത്തെ ടിപിആര് 30.55 ശതമാനമായി. ദിവസങ്ങളുടെ ഇടവേളയില് സംസ്ഥാനത്തെ കൊവിഡ് ബാധിതരുടെ ആകെ എണ്ണം ഒരു ലക്ഷത്തിന് മുകളിലായി.