തിരുവനന്തപുരം: കോവിഡ് പ്രതിരോധ വാക്സിന് പ്രശ്ന പരിഹാരത്തിനായി ബിജെപി ഇതര മുഖ്യമന്ത്രിമാരുടെ പിന്തുണ തേടി മുഖ്യമന്ത്രി പിണറായി വിജയന്. സംസ്ഥാനങ്ങള്ക്ക് ആവശ്യമായ വാക്സിന് പൂര്ണ്ണമായി കേന്ദ്രം നേരിട്ട് സംഭരിച്ച് സൗജന്യമായി വിതരണം ചെയ്ണമെന്ന ആവശ്യം സംസ്ഥാനങ്ങള് സംയുക്തമായി മുന്നോട്ടുവെക്കണം എന്ന അഭ്യര്ത്ഥനയോടെ ബിജെപി ഇതര മുഖ്യമന്ത്രിമാര്ക്ക് മുഖ്യമന്ത്രി കത്തയച്ചു.
തമിഴ്നാട്, ആന്ധ്രാ പ്രദേശ്, തെലങ്കാന, ഛത്തിസ്ഗഡ് , ഒഡീഷ, പശ്ചിമ ബംഗാള്, ഝാര്ഖണ്ട്, ഡെല്ഹി, പഞ്ചാബ്, രാജസ്ഥാന്, മഹാരാഷ്ട്ര എന്നീ 11 സംസ്ഥാനങ്ങളിലെ മുഖ്യമന്ത്രിമാര്ക്കാണ് കത്തയച്ചത്. സംസ്ഥാനങ്ങള്ക്ക് വാക്സിന് ലഭ്യമാക്കുന്ന ഉത്തരവാദിത്തത്തില് നിന്ന് കൈകഴുകുന്ന കേന്ദ്ര സമീപനം ദൗര്ഭാഗ്യകരമാണെന്നും മൂന്നാം തരംഗത്തിന് സാധ്യത കാണുന്നതിനാല് രോഗ പ്രതിരോധ ശേഷി വര്ധിപ്പിക്കേണ്ടതുണ്ടെന്നും അതിന് വാക്സിന് സാര്വ്വത്രികമാക്കണമെന്നും മുഖ്യമന്ത്രി കത്തില് പറയുന്നു.
പണം ഇല്ലാത്തതിന്റെ പേരില് വാക്സിന് നിഷേധിക്കരുതെന്നും സംസ്ഥാനങ്ങള്ക്ക് ആവശ്യമായ അത്രയും വാക്സിന് കേന്ദ്രം നേരിട്ട് സംഭരിച്ച് സൗജന്യമായി വിതരണം ചെയ്യണമെന്നും കത്തില് ആവശ്യപ്പെട്ടു. വാക്സിന് സംഭരിക്കുന്നതിന്റെ പൂര്ണ്ണ ഉത്തരവാദിത്തം സംസ്ഥാനങ്ങളുടെ മേല് വീണാല്, സംസ്ഥാനങ്ങളുടെ സാമ്പത്തിക നില പരുങ്ങലില് ആകുമെന്നും കത്തില് ചൂണ്ടിക്കാട്ടി.