![](https://i0.wp.com/santhigirinews.org/wp-content/uploads/2021/06/images1-13.jpeg?resize=293%2C172&ssl=1)
തിരുവനന്തപുരം: സംസ്ഥാനത്തെ എല്ലാ വിദ്യാര്ഥികള്ക്കും ഓണ്ലൈന് പഠന സൗകര്യം ഉറപ്പുവരുത്തുമെന്ന് മുഖ്യമന്ത്രി പിണറായി വിജയന്. കൊവിഡിന്റെ മൂന്നാം തരംഗം സംബന്ധിച്ചുള്ള മുന്നറിയിപ്പുള്ളതിനാണ് സംസ്ഥാനത്ത് ഓണ്ലൈന് പഠനം തുടരേണ്ടിവരുമെന്നും അദ്ദേഹം നിയമസഭയില് പറഞ്ഞു. അന്വര് സാദത്ത് എം എല് എയുടെ ചോദ്യത്തിന് മറുപടി നല്കുകയായിരുന്നു അദ്ദേഹം.
പഠനത്തിനാവശ്യമായ ഡിജിറ്റല് ഉപകരണങ്ങള് എല്ലാ വിദ്യാര്ഥികളുടെ കൈകളിലും എത്തിക്കുന്നതിനാവശ്യമായ പദ്ധതികളുമായി സര്ക്കാര് മുന്നോട്ടുപോകും. പാഠപുസ്തകത്തിനൊപ്പം ഡിജിറ്റല് ഉപകരണങ്ങളും വിദ്യാര്ഥികളില് ഉണ്ടാവേണ്ടതുണ്ട്. വിവിധ സ്രോതസുകളെ ഒന്നിച്ച് അണിനിരത്തിയാകും പദ്ധതി നടപ്പാക്കുകയെന്നും മുഖ്യമന്ത്രി ചൂണ്ടിക്കാട്ടി