മുംബൈ: കോവിഡിന്റെ ഡെല്റ്റ പ്ലസ് വകഭേദം മൂലം മഹാരാഷ്ട്രയില് മൂന്ന് മരണം കൂടി . രത്നഗിരി, മുംബൈ, റായ്ഗഡ് എന്നിവിടങ്ങളിലാണ് മരണം റിപ്പോര്ട്ട് ചെയ്തത്. മുംബൈയില് മരിച്ച സ്ത്രീ രണ്ട് ഡോസ് വാക്സിന് എടുത്തിരുന്നുവെങ്കിലും മറ്റ് അസുഖങ്ങള് അലട്ടിയിരുന്നെന്നാണ് റിപ്പോര്ട്ടുകള്.
അതെ സമയം സംസ്ഥാനത്ത് ഡെല്റ്റ പ്ലസ് കേസുകള് 65 ആയി വര്ധിച്ചതായി മഹാരാഷ്ട്ര ആരോഗ്യ വകുപ്പ് ബുധനാഴ്ച അറിയിച്ചിരുന്നു. ഇന്സ്റ്റിറ്റ്യൂട്ട് ഓഫ് ജിനോമിക്സ് ഇന്റഗ്രേറ്റീവ് ബയോളജി ലബോറട്ടറിയില് നടത്തിയ പരിശോധനയില് 20 രോഗികളെ കൂടി കണ്ടെത്തിയതോടെയാണ് ഡെല്റ്റ പ്ലസ് ബാധിച്ചവരുടെ എണ്ണം 65 ആയി ഉയര്ന്നത്.
പുതിയതായി തിരിച്ചറിഞ്ഞ 20 രോഗികളില് ഏഴ് പേര് മുംബൈയിലാണ്. പുണൈയില് മൂന്ന്, നന്ദേഡ്, ഗോണ്ടിയ, റായ്ഗഡ്, പാല്ഘര് എന്നിവിടങ്ങളില് രണ്ട് വീതം, ചന്ദ്രാപുരിലും അകോലയിലും ഓരോ രോഗികളുമാണുള്ളതെന്ന് മഹാരാഷ്ട്ര ആരോഗ്യ വകുപ്പിന്റെ കണക്കുകള് ഉദ്ധരിച്ച് പ്രമുഖ വാര്ത്താ ഏജന്സി റിപ്പോര്ട്ട് ചെയ്യുന്നു .