ശ്രീജ.എസ്
ന്യൂഡല്ഹി: ലാവ്ലിന് അഴിമതികേസില് മുഖ്യമന്ത്രി പിണറായി വിജയന് ഉള്പ്പടെയുളളവരെ പ്രതിപ്പട്ടികയില് നിന്ന് ഒഴിവാക്കിയതിനെതിരെ സി.ബി.ഐ നല്കിയ അപ്പീല് സുപ്രീംകോടതി ഇന്ന് പരിഗണിക്കും. കേസ് അതീവ പ്രാധാന്യമുളളതാണെന്നും വേഗം തീര്പ്പാക്കണമെന്നും കഴിഞ്ഞയാഴ്ച സി.ബി.ഐ ആവശ്യപ്പെട്ടിരുന്നു.
ഇത് അംഗീകരിച്ച് അന്തിമവാദത്തിനുള്ള തീയതി കോടതി നിശ്ചയിക്കുമോയെന്നാണ് ഇന്ന് അറിയാനുളളത്. ജസ്റ്റിസ് യു.യു ലളിത് അദ്ധ്യക്ഷനായ മൂന്നംഗ ബെഞ്ചാണ് വാദംകേള്ക്കുക. കൊവിഡ് മഹാമാരിയുടെ പശ്ചാത്തലത്തില് ഓണ്ലൈന് വഴിയാണ് കോടതികള് പ്രവര്ത്തിക്കുന്നത്.